Liverpool vann dramatískan sigur gegn Nottingham Forest og heldur toppsæti ensku úrvalsdeildarinnar, Manchester City vann borgarslaginn gegn Manchester United eftir að hafa lent undir og Asenal pakkaði Sheffield United saman.
Garth Crooks sérfræðingur BBC er búinn að velja lið umferðarinnar.
Garth Crooks sérfræðingur BBC er búinn að velja lið umferðarinnar.
Markvörður: Caoimhin Kelleher (Liverpool) - Írski markvörðurinn hefur staðið sig frábærlega í fjarveru Alisson og hélt markinu hreinu í þessum mikilvæga sigri gegn Nottingham Forest.
Varnarmaður: Kurt Zouma (West Ham) - Skoraði frábært skallamark og var öflugur í 3-1 sigri West Ham gegn Everton. Fékk á sig vítaspyrnu en hélt ótrauður áfram.
Varnarmaður: Virgil van Dijk (Liverpool) - Enn ein leiðtogaframmistaðan hjá Van Dijk í hjarta varnar Liverpool.
Varnarmaður: Micky van de Ven (Tottenham) - Hollendingurinn var öflugur varnarlega gegn Crystal Palace en sýndi einnig hversu góður hann er með boltann.
Miðjumaður: Tomas Soucek (West Ham) - Tékkinn skoraði virkilega gott mark í sigrinum gegn lánlausu liði Everton.
Miðjumaður: Alexis Mac Allister (Liverpool) - Argentínumaðurinn átti eina mikilvægustu stoðsendingu tímabilsins þegar Liverpool vann Forest.
Miðjumaður: Harry Wilson (Fulham) - Skoraði glæsilegt mark í 3-0 sigri Fulham gegn Brighton.
Miðjumaður: Martin Ödegaard (Arsenal) - Skoraði fyrsta markið og lagði tóninn af því að Arsenal stútaði Sheffield United 6-0.
Sóknarmaður: Phil Foden (Manchester City) - Sama hvar hann er látinn spila um þessar mundir þá skilar hann frammistöðu í heimsklassa. Skoraði í tvígang gegn Manchester United.
Sóknarmaður: Ollie Watkins (Aston Villa) - Skoraði tvö gegn Luton og er kominn með sextán mörk alls. Sóknarmaðurinn hefur verið einn besti leikmaður deildarinnar.
Sóknarmaður: Yoane Wissa (Brentford) - Skoraði algjörlega geggjað mark í 2-2 jafnteflinu gegn Chelsea.
Athugasemdir
