Ari borinn af velli í leiknum í kvöld.
Óhugnalegt atvik átti sér stað þegar Aron Einar Gunnarsson, landsliðsfyrirliði, var í viðtali á RÚV eftir 1-1 jafntefli Íslands við Úkraínu í kvöld.
Aron stoppaði í miðju viðtali við Einar Örn Jónsson og var mjög áhyggjufullur á svip. Aron sagði ekki orð í þónokkurn tíma og virtist hafa miklar áhyggjur af einhverju sem var í gangi í nágrenninu.
„Alfreð, er í lagi?" heyrðist Aron meðal annars spyrja Alfreð Finnbogason sem var á leið í viðtal á eftir honum.
Smelltu hér til að sjá viðtalið á vef RÚV
Fótbolti.net er á staðnum í Úkraínu og samkvæmt upplýsingum þaðan þá leið yfir Ara Frey Skúlason inni í búningsklefa íslenska liðsins. Áhyggjur Arons komu út frá því en hann sá að eitthvað var að í búningsklefanum.
Læknateymið hugaði að Ara og hann er í góðu lagi samkvæmt upplýsingum Fótbolta.net.
Aron kláraði viðtalið á endanum eftir talsverða bið.
Ari fór meiddur af velli í leiknum í kvöld en hann fékk högg á ökklann eftir samstuð undir lok fyrri hálfleiks.
Var einhver annar sem fékk fyrir hjartað þegar Aron Einar setti upp þennan svip? #fotboltinet pic.twitter.com/jVLND6Rf6k
— Davíð Örn Óskarsson (@davidoskars) September 5, 2016
Athugasemdir
