Spánn: Elche með óvæntan sigur á Sevilla

Óvænt úrslit litu dagsins ljós í La Liga deildinni á Spáni rétt í þessu.

Fallbaráttulið Elche fékk þá Sevilla í heimsókn. Sevilla er í baráttunni um sæti í Meistaradeild Evrópu á næsta tímabili en fyrir leikinn í dag var Elche í fallsæti.

Heimamenn gerðu sér lítið fyrir og unnu leikinn með tveimur mörkum gegnu engu. Raul Guti kom Elche yfir á 70. mínútu leiksins og Guido Carrillo gulltryggði sigurinn sjö mínútum síðar.

Slæm vika fyrir Sevilla en liðið missti niður einvígið gegn Barcelona í undanúrslitum bikarsins á dögunum og svo kemur þetta tap í kjölfarið.

Með sigri fer Elche upp í sautjánda sæti deildarinnar en Sevilla er áfram í því fjórða.