Vinicius kom Madrídingum yfir í fyrri hálfleik og Marco Asensio gerði annað mark þeirra eftir slæm mistök Trent Alexander-Arnold.

Liverpool-menn voru ósáttir við það að markið fengi að standa, þeir vildu fá brot á Sadio Mane áður en sókn Real Madrid hófst. Rætt var um þetta í Meistaradeildarmörkunum á Stöð 2 Sport eftir leikinn.

„Mér finnst þetta vera brot. Það hefði alltaf verið dæmt á þetta út á miðjum velli. Þetta er brot," sagði Davíð Þór Viðarsson, aðstoðarþjálfari FH.

„Ég get tekið undir það með ykkur að þetta er líklega brot samkvæmt laganna bókstaf en mér finnst þetta lítið," sagði Atli Viðar Björnsson.