06.11.20 - 19:41
Victor Pálsson
Dofri Snorrason kveður Víking - Skórnir á hilluna?
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Dofri Snorrason hefur mögulega lagt skóna frægu á hilluna en hann hefur lengi leikið með Víkingi Reykjavík í efstu deild karla.
Dofri hefur reynst Víkingum gríðarlega mikilvægur en hann kom til félagsins frá KR fyrir heilum sjö árum síðan eftir að hafa byrjað meistaraflokksferilinn í Víkinni árið 2010.
Íþróttafréttamaðurinn Tómas Þór Þórðarson skrifaði færslu á Twitter í kvöld þar sem greint er frá því að Dofri sé búinn að kveðja Víkinga eftir að tímabilinu lauk hér heima.
Varnarmaðurinn er fæddur árið 1990 og spilaði alls tíu leiki í deild og bikar fyrir Víkinga í sumar.
Samtals hefur Dofri spilað 205 leiki í meistaraflokk á ferlinum og skorað í þeim 17 mörk.
Tómas þakkar Dofra fyrir vel unnin störf í færslu sinni en hann var vallarþulur á fyrsta leik hans árið 2010.
Íþróttafréttamaðurinn Tómas Þór Þórðarson skrifaði færslu á Twitter í kvöld þar sem greint er frá því að Dofri sé búinn að kveðja Víkinga eftir að tímabilinu lauk hér heima.
Varnarmaðurinn er fæddur árið 1990 og spilaði alls tíu leiki í deild og bikar fyrir Víkinga í sumar.
Samtals hefur Dofri spilað 205 leiki í meistaraflokk á ferlinum og skorað í þeim 17 mörk.
Tómas þakkar Dofra fyrir vel unnin störf í færslu sinni en hann var vallarþulur á fyrsta leik hans árið 2010.
"Það er himnasending úr vesturbænum," gólaði ég í mic-inn sem vallarþulur í Víkinni þegar að @dofris11 skoraði 2. mark sitt í sínum 1. leik fyrir #Vikes í maí 2010. Nú, áratug síðar, sjáum við á eftir þessum nagla eftir ríflega 200 leiki og 20.000 tæklingar. Takk fyrir allt, D11.
— Tómas Þór Þórðarson (@tomthordarson) November 6, 2020
