Eins og greint var frá í morgun er staða Grétars Rafns Steinssonar hjá Everton í óvissu eftir að Hollendingurinn Marcel Brands hætti sem yfirmaður fótboltamála.
Það hefur logað bak við tjöldin en Grétar hefur verið hægri hönd Brands og verið með puttana í leikmannakaupum. Talað hefur verið um að Grétar gæti verið næstur út um dyrnar.
Stjórn Everton hefur ákveðið að styðja við bakið á Rafa Benítez, stjóra liðsins.
Það hefur logað bak við tjöldin en Grétar hefur verið hægri hönd Brands og verið með puttana í leikmannakaupum. Talað hefur verið um að Grétar gæti verið næstur út um dyrnar.
Stjórn Everton hefur ákveðið að styðja við bakið á Rafa Benítez, stjóra liðsins.
Samkvæmt Football Insider vill Benítez fá Grétar burt frá félaginu og taka sjálfur fulla stjórn á leikmannakaupum fyrir komandi janúarglugga.
„Spánverjinn vann valdabaráttu sína við Brands og vill styrkja völd sín enn frekar með því losna við Grétar. Samkvæmt heimildarmanni okkar er Benítez með jafnvel lægra álit á Grétari en Brands," segir í umfjöllun Football Insider.
Sagt er að Benítez muni fá peninga til að styrkja liðið í janúar. Everton er í sextánda sæti en liðið mætir Arsenal í kvöld.
Brands vildi ekki ráða Benítez
Bjarni Þór Viðarsson ræddi um Brands í Vellinum á Síminn Sport í gær. Þeir Bjarni og Tómas Þór Þórðarson, þáttastjórnandi og ritstjóri enska boltans á Símanum, heimsóttu Goodison Park á miðvikudag þegar liðið mætti grönnunum í Liverpool.
„Ég heyri hluti þarna og vissi það þegar Rafa Benítez var ráðinn að það var ekki eining með þá ákvörðun. Marcel Brands var í stjórn félagsins. Eigendurnir ræddu við Roman Abramovich um Benítez þar sem gott orð fór af honum sem stjóra Chelsea," sagði Bjarni.
„Brands vildi fá einhvern annan inn. Þá hófust í raun átökin. Eftir að Benítez tók við hafa þeir Brands ekki unnið neitt alltof vel saman og mikil pressa er á Brands. Hann eyddi 300 milljónum punda og sá sem var á undan honum eyddi einnig miklu svo það hefur verið smá rugl á klúbbnum í dálítið langan tíma, síðan í raun Farhad Moshiri [eigandi félagsins] kemur inn með alla þessa peninga. Bygging á nýjum velli er jákvæð en það kannski kemur ekki nálægt því sem stuðningsmenn vilja sjá. Þeir eru svekktir og maður fann það á vellinum að það var allt brjálað þarna."
Benítez stýrir núna kaupunum eftir að Brands hætti.
„Orðið af Benítez er að hann sé mjög duglegur, mætir snemma og vill gera allt sjálfur. Hann er mikið í kringum leikmannahópinn og vill sjá allt það sem er að gerast, hlaupatölur og hvað er að gerast í akademíunni. Þetta var ekki að fara ganga til lengdar þegar Brands var ekki á því að Benítez ætti að taka við. Brands var með ágætis kaup inn á milli en þetta var einhvern veginn ekki að ganga. Stuðningsmenn og starfsmenn fannst hann vera „outsider"."
Bjarni segir þá frá því að Moshiri mæti á leikinn í kvöld en hann mætir alls ekki á alla leiki.
Stöðutaflan
England
Premier league - karlar
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Arsenal | 28 | 20 | 4 | 4 | 70 | 24 | +46 | 64 |
2 | Liverpool | 28 | 19 | 7 | 2 | 65 | 26 | +39 | 64 |
3 | Man City | 28 | 19 | 6 | 3 | 63 | 28 | +35 | 63 |
4 | Aston Villa | 29 | 17 | 5 | 7 | 60 | 42 | +18 | 56 |
5 | Tottenham | 28 | 16 | 5 | 7 | 59 | 42 | +17 | 53 |
6 | Man Utd | 28 | 15 | 2 | 11 | 39 | 39 | 0 | 47 |
7 | West Ham | 29 | 12 | 8 | 9 | 46 | 50 | -4 | 44 |
8 | Brighton | 28 | 11 | 9 | 8 | 50 | 44 | +6 | 42 |
9 | Wolves | 28 | 12 | 5 | 11 | 42 | 44 | -2 | 41 |
10 | Newcastle | 28 | 12 | 4 | 12 | 59 | 48 | +11 | 40 |
11 | Chelsea | 27 | 11 | 6 | 10 | 47 | 45 | +2 | 39 |
12 | Fulham | 29 | 11 | 5 | 13 | 43 | 44 | -1 | 38 |
13 | Bournemouth | 28 | 9 | 8 | 11 | 41 | 52 | -11 | 35 |
14 | Crystal Palace | 28 | 7 | 8 | 13 | 33 | 48 | -15 | 29 |
15 | Brentford | 29 | 7 | 5 | 17 | 41 | 54 | -13 | 26 |
16 | Everton | 28 | 8 | 7 | 13 | 29 | 39 | -10 | 25 |
17 | Luton | 29 | 5 | 7 | 17 | 42 | 60 | -18 | 22 |
18 | Nott. Forest | 29 | 6 | 7 | 16 | 35 | 51 | -16 | 21 |
19 | Burnley | 29 | 4 | 5 | 20 | 29 | 63 | -34 | 17 |
20 | Sheffield Utd | 28 | 3 | 5 | 20 | 24 | 74 | -50 | 14 |
Athugasemdir