Stefán Ingi Sigurðsson skoraði sitt fyrsta mark í sínum fyrsta leik fyrir hollenska liðið Go Ahead Eagles í dag. Liðið fékk Telstar í heimsókn en Nökkvi Þeyr Þórisson var í byrjunarliði Telstar í fyrsta sinn.
Stefán Ingi gekk til liðs við Go Ahead Eagles á dögunum frá norska liðinu Sandefjord. Hann byrjaði á bekknum í dag en kom inn á 81. mínútu og fjórum mínútum síðar kom hann liðinu í 1-0 forystu.
Stefán Ingi gekk til liðs við Go Ahead Eagles á dögunum frá norska liðinu Sandefjord. Hann byrjaði á bekknum í dag en kom inn á 81. mínútu og fjórum mínútum síðar kom hann liðinu í 1-0 forystu.
Þegar fimm mínútur voru komnar fram yfir venjulegan leiktíma jafnaði Telstar og þar við sat, 1-1 lokatölur. Nökkvi Þeyr gekk til liðs við Telstar frá Sparta Rotterdam en hann spilaði sinn fyrsta leik í dag og var tekinn af velli eftir rúmlega klukkutíma leik.
Go Ahead er í 14. sæti með 23 stig eftir 21 umferð en Telstar er i 16. sæti með 17 stig eftir 22 leiki spilaða.
Kristófer Jónsson var í byrjunarliði Triestina sem vann U23 lið Inter 4-1 í ítölsku C-deildinni. Triestina er á botni A-riðils með fjögur stig eftir 25 umferðir.
Óttar Magnús Karlsson spilaði tæpan klukkutíma þegar Renate gerði 1-1 jafntefli gegn Ospiitaletto í sömu deild. Renate er í 5. sæti með 39 stig.
Athugasemdir
