Haukur Brink skoraði sigurmark Stjörnunnar
Stjarnan vann frækinn 2-1 sigur á úkraínska úrvalsdeildarliðinu Karpaty Lviv í æfingaleik á Alicante í dag.
Stjörnumenn eru í æfingaferð á Alicante að undirbúa sig fyrir komandi tímabil.
Þeir mættu Karpaty í dag og höfðu sigur en Guðmundur Kristjánsson kom Stjörnunni í 1-0 á 4. mínútu áður en Karpaty jafnaði tæpum tuttugu mínútum síðar.
Haukur Brink gerði sigurmark Stjörnunnar tuttugu mínútum fyrir leikslok.
Frábær sigur gegn Karpaty sem er í 9. sæti úkraínsku úrvalsdeildarinnar eftir sextán leiki.
Byrjunarlið Stjörnunnar: Árni Snær Ólafsson (M), Damil Denkerlui, Sindri Þór Ingimarsson, Guðmundur Kristjánsson, Bjarki Hauksson, Jóhann Árni Gunnarsson, Ibrahim Turay, Guðmundur Baldvin Nökkvason, Örvar Eggertsson, Emil Atlason, Haukur Brink.
Athugasemdir
