Ógleymanleg vika Bjarka Steins

Það kom mörgum á óvart að sjá Bjarka valinn í byrjunarliðið en hann heldur betur stóð fyrir sínu í leiknum. Hann er ekki vanur því að spila hægri bakvarðarstöðuna, hefur stundum verið í vængbakverði en hafði ekki áður spilað sem bakvörður í fjögurra manna varnarlínu.

Hann kom inn í leikinn fullur sjálfstrausts eftir að félagslið hans, Venezia, vann umspilið í ítölsku B-deildinni og tryggði sér með því sæti í efstu deild á komandi tímabili. Bjarki var í byrjunarliðinu þegar Venezia lagði Cremonese á sunnudag og tryggði sér með því sæti í Serie A. Degi síðar var hann mættur til móts við landsliðið og hóf undirbúning fyrir leikinn gegn Englandi á Wembley.

Bjarki fékk átta í einkunn fyrir frammistöðu sína í leiknum.
Kom óvænt inn í byrjunarliðið og spilaði sinn langstærsta leik. Gerði það með stakri prýði. Var flottur varnarlega og var líka góður á boltanum.

„Það var það skemmti­leg­asta sem ég hafði gert á ferl­in­um, og svo kem ég hingað á Wembley og við vinn­um Eng­land. Það ger­ist bara ekki betra en þessi vika hjá mér," sagði Bjarki Steinn við mbl.is í gær.

Bjarki Steinn frábær í kvöld ????????

— Gunnar Pétur Haraldsson (@gunniiip) June 7, 2024

Ótrúlega góður Bjarki Steinn Bjarkason sem ég vissi hreinlega ekki að væri til, man ekki eftir þessum tveim landsleikjum árið 2022. Hann er 24 ára og maður spyr sig af hverju hann hefur ekki sést meira en augljóslega mun hann festa sig í sessi núna.

— Hawk Football Artist (@hawk_attacks) June 8, 2024

Hef aldrei seð svona frammistöðu í fyrsta landsleik eins og hjá @BjarkiSteinn, verður einn af aðalmönnunum í næstu undankeppni.

— Logi (@logimar23) June 7, 2024