08.10.20 - 21:54
Elvar Geir Magnússon
Aron og Jói Berg verða í hópnum gegn Danmörku
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Íslenska landsliðið mætir Danmörku í Þjóðadeildinni á sunnudagskvöld. Erik Hamren landsliðsþjálfari var spurður á fréttamannafundi hvort einhver myndi fara úr hópnum fyrir þann leik.
Hamren sagði svo ekki vera og að fyrirliðinn Aron Einar Gunnarsson fengi að vera áfram. Al-Arabi, félagslið Arons í Katar, átti rétt á að banna honum að taka þátt í verkefninu en Hamren segir að samkomulag hafi náðst.
Jóhann Berg Guðmundsson verður einnig með í hópnum gegn Danmörku en hann mun svo halda til Englands.
Aron Sigurðarson og Jón Dagur Þorsteinsson koma inn í A-landsliðshópinn fyrir komandi Þjóðadeildarleiki en þeir verða með U21 landsliðinu gegn Ítalíu á morgun.
Hamren sagði svo ekki vera og að fyrirliðinn Aron Einar Gunnarsson fengi að vera áfram. Al-Arabi, félagslið Arons í Katar, átti rétt á að banna honum að taka þátt í verkefninu en Hamren segir að samkomulag hafi náðst.
Jóhann Berg Guðmundsson verður einnig með í hópnum gegn Danmörku en hann mun svo halda til Englands.
Aron Sigurðarson og Jón Dagur Þorsteinsson koma inn í A-landsliðshópinn fyrir komandi Þjóðadeildarleiki en þeir verða með U21 landsliðinu gegn Ítalíu á morgun.
Hamren sagðist ekki hafa neinar upplýsingar um meiðslastöðuna á hópnum eftir sigurinn gegn Rúmeníu í kvöld. Kári Árnason fór meiddur af velli og verður að teljast ólíklegt að hann geti spilað á sunnudag.
Frekari fréttir af stöðu hópsins ættu að koma í ljós á laugardaginn en þá verður haldinn fréttamannafundur fyrir leikinn gegn Danmörku.
Frekari fréttir af stöðu hópsins ættu að koma í ljós á laugardaginn en þá verður haldinn fréttamannafundur fyrir leikinn gegn Danmörku.
