Freyja Stefánsdóttir skoraði þrennu gegn Fram
Víkingur R. 7 - 0 Fram
1-0 Elísa Birta Káradóttir ('4 )
2-0 Freyja Stefánsdóttir ('11 )
3-0 Freyja Stefánsdóttir ('17 )
4-0 Bergdís Sveinsdóttir ('25 )
5-0 Freyja Stefánsdóttir ('51 )
6-0 Jóhanna Elín Halldórsdóttir ('52 )
7-0 Bergþóra Sól Ásmundsdóttir ('90 )
1-0 Elísa Birta Káradóttir ('4 )
2-0 Freyja Stefánsdóttir ('11 )
3-0 Freyja Stefánsdóttir ('17 )
4-0 Bergdís Sveinsdóttir ('25 )
5-0 Freyja Stefánsdóttir ('51 )
6-0 Jóhanna Elín Halldórsdóttir ('52 )
7-0 Bergþóra Sól Ásmundsdóttir ('90 )
Freyja Stefánsdóttir skoraði þrennu er Víkingur vann 7-0 stórsigur á Fram í riðli 2 í A-deild Lengjubikarsins á Víkingsvellinum í kvöld.
Víkingar byrjuðu sterkt og komust í þriggja marka forystu eftir aðeins sautján mínútur.
Elísa Birta Káradóttir kom þeim á bragðið á 4. mínútu og bætti Freyja Stefánsdóttir við tveimur mörkum með sex mínútna millibili.
Fyrirliðinn Bergdís Sveinsdóttir gerði fjórða markið á 25. mínútu og fóru heimakonur inn í hálfleikinn með þægilega forystu.
Freyja fullkomnaði þrennu sína á 51. mínútu og mínútu síðar skoraði Jóhanna Elín Halldórsdóttir sjötta markið. Bergþóra Sól Ásmundsdóttir gerði síðan sjöunda og síðasta mark Víkings stuttu fyrir leikslok.
Draumabyrjun hjá Víkingum sem mæta næst Val þann 21. febrúar á meðan Framarar fá Tindastól í heimsókn á Lambhagavöllinn á laugardag.
Athugasemdir
