Lið vikunnar í enska - McTominay og Rice á miðsvæðinu

Markvörður: Guglielmo Vicario (Tottenham) - Í fyrsta sinn í úrvalsliðinu síðan hann tók við aðalmarkvarðarstöðunni af Hugo Lloris. Átti frábæra vörslu frá Carlton Morris og hjálpaði Tottenham að landa öllum stigunum.

Varnarmaður: William Saliba (Arsenal) - Átti ekki í nokkrum vandræðum með að halda Erling Haaland í skefjum.

Varnarmaður: Cristian Romero (Tottenham) - Öflug vörn Spurs kom í veg fyrir að Luton næði að skora.

Varnarmaður: Micky van de Ven (Tottenham) - Þessi 22 ára hollenski varnarmaður skoraði sigurmarkið gegn Luton.

Miðjumaður: Jack Harrison (Everton) - Skoraði algjörlega geggjað mark í sigri Everton gegn Bournemouth.

Miðjumaður: Scott McTominay (Manchester United) - Var á vellinum í nokkrar mínútur en það dugði til að jafna og skora sigurmarkið gegn Brentford. Þvílíkur lokakafli.

Miðjumaður: Declan Rice (Arsenal) - Frábær á miðsvæði Arsenal í sigrinum gegn City.

Miðjumaður: Willian (Fulham) - Lykilmaður í sigri Fulham gegn Sheffield United. Síógnandi og skoraði.

Sóknarmaður: Mohamed Salah (Liverpool) - Skoraði bæði mörk Liverpool í 2-2 jafnteflinu gegn Brighton.

Sóknarmaður: Alexander Isak (Newcastle) - Skoraði bæði mörk Newcastle í 2-2 jafnteflinu gegn West Ham.

Sóknarmaður: Raheem Sterling (Chelsea) - Fór illa með varnarmenn Burnley trekk í trekk. Komst sjálfur á blað í 4-1 útisigri.