Bjarni Þórður tekinn við Fylki (Staðfest)

TENGT EFNI09.10.24 - 06:00

Bjarni Þórður að taka við kvennaliði Fylkis

Bjarni Þórður er fæddur 1983 og lék yfir 100 leiki með Fylki í efstu deild karla á ferli sínum sem fótboltamaður. Hann hefur komið náið að þjálfun hjá Fylki á síðustu árum og starfaði síðast sem markmannsþjálfari meistaraflokks kvenna.

Bjarni er uppalinn hjá Fylki og hefur komið víða við á síðustu árum, meðal annars hjá KSÍ þar sem starfaði tímabundið sem liðsstjóri A-landsliðs karla.

Fylkir endaði á botni Bestu deildarinnar í sumar og leikur því í Lengjudeildinni á næsta ári.

„Við hjá félaginu höfum miklar væntingar til samstarfsins við Bjarna Þórð og hlökkum til að vinna með honum að áframhaldandi framgangi kvennaknattspyrnunnar hjá Fylki," segir meðal annars í tilkynningu frá Fylki.

Bjarni tekur við af Gunnari Magnúsi Jónssyni sem þjálfaði meistaraflokk kvenna í tvö ár.