Þróttur R. 0 - 0 Valur
Þróttur R. og Valur gerðu markalaust jafntefli í 2. umferð Pepsi Max-deildar kvenna í kvöld en spilað var á Eimskipsvellinum í Laugardal.
Lestu nánar um leikinn hér
Þróttarar fengu dauðafæri strax á 10. mínútu leiksins. Andrea Rut Bjarnadóttir átti frábæra fyrirgjöf á Hildi Egilsdóttur. Hún fékk allan tímann í heiminum til að koma boltanum í markið en skaut honum yfir.
Mist Edvardsdóttir átti skalla í slá hinum megin á vellinum aðeins fjórum mínútum síðar. Bæði lið fengu fínustu tækifæri í fyrri hálfleiknum en boltinn vildi ekki inn.
Ída Marín Hermannsdóttir og Elín Metta Jensen fengu fín tækifæri í þeim síðari en markalaust jafntefli staðreynd í Laugardalnum.
Þróttarar eru með tvö stig eftir fyrstu tvo leikina en Valur fjögur stig.
Athugasemdir