Fótbolti.net

fim 12. febrúar 2026 10:04

Elvar Geir Magnússon

„Skammarlegt og Forest í tætlum“ - Er að ráða fjórða stjóra tímabilsins

Evangelos Marinakis, eigandi Forest.

Mynd: EPA

Sean Dyche var látinn taka pokann sinn.

Mynd: EPA

Nottingham Forest er að fara að ráða sinn fjórða stjóra á einu tímabilinu eftir að Sean Dyche var rekinn.

Nuno Espírito Santo var rekinn þegar 23 dagar voru búnir af tímabilinu, Ange Postecoglou entist í 39 daga og Dyche er nú látinn taka pokann sinn eftir 114 daga í starfinu.

12.02.2026 07:57

Dyche rekinn (Staðfest) - Forest ræðir við Pereira

„Þetta tímabil hefur þróast úr krísu í aðra krísu. Vandamál Forest sköpuðust úr þeirra eigin herbúðum eftir að Nuno lenti upp á kant við íþróttastjórann Edu og eigandann Evangelos Marinakis svo staða hans varð ómöguleg," segir Nick Mashiter, íþróttafréttamaður BBC.

„Ráðningin á Postecoglou var illa ígrunduð ákvörðun. Að fara úr skyndisóknum Nuno yfir í hápressu Ástralans. Dyche átti að koma inn með öruggar hendur, koma aftur með það sem hópurinn þekkti frá Nuno. Þá varð þetta falleg heimkoma þar sem Dyche kom í gegnum akademíu félagsins."

Tveir sigrar í síðustu tíu deildarleikjum
Forest vann sjö af fyrstu tólf leikjunum undir stjórn Dyche en aðeins tveir sigrar í síðustu tíu deildarleikjum; auk þess sem liðið féll út gegn Wrexham í bikarnum, gerði það að verkum að Dyche missti fljótt trú og traust stjórnar og stuðningsmanna.

„Þetta tímabil er núna skammarlegt fyrir Forest. Þetta átti ekki að verða svona, liðið er að keppa í Evrópukeppni í fyrsta sinn síðan 1995-96. Forest er í tætlum eftir tvær misheppnaðar ráðningar og ákvarðanar um að reka Nuno."

„Liðið hafnaði í sjöunda sæti á síðasta tímabili og eyddi 180 milljónum punda en fall er raunhæfur möguleiki í tímabili þar sem félagið var með markmið að vinna Evrópudeildina," segir Mashiter.

Flestar tilraunir án marks í áratug
Forest er í 17. sæti ensku úrvalsdeildarinnar, þremur stigum frá fallsæti. Liðið er að fara að mæta Fenerbahce í tveggja leikja umspili um að komast í 16-liða úrslitin í Evrópudeildinni. Liðið er úr leik í báðum bikarkeppnunum á Englandi.

Samkvæmt breska ríkisútvarpinu hefur Marinakis þegar hafið viðræður við Vitor Pereira, fyrrum stjóra Wolves, um að hann taki við.

Síðasti leikur Dyche með Forest var markalaust jafntefli gegn Wolves í gær. Liðið átti 35 marktilraunir án þess að skora. Áratugur er síðan lið í deildinni átti svo margar tilraunir án þess að búa til mark.

		L	U	J	T	ms:	mf:	mun	Stig
1	Arsenal	31	21	7	3	61	22	+39	70
2	Man City	30	18	7	5	60	28	+32	61
3	Man Utd	31	15	10	6	56	43	+13	55
4	Aston Villa	31	16	6	9	42	37	+5	54
5	Liverpool	31	14	7	10	50	42	+8	49
6	Chelsea	31	13	9	9	53	38	+15	48
7	Brentford	31	13	7	11	46	42	+4	46
8	Everton	31	13	7	11	37	35	+2	46
9	Fulham	31	13	5	13	43	44	-1	44
10	Brighton	31	11	10	10	41	37	+4	43
11	Sunderland	31	11	10	10	32	36	-4	43
12	Newcastle	31	12	6	13	44	45	-1	42
13	Bournemouth	31	9	15	7	46	48	-2	42
14	Crystal Palace	30	10	9	11	33	35	-2	39
15	Leeds	31	7	12	12	37	48	-11	33
16	Nott. Forest	31	8	8	15	31	43	-12	32
17	Tottenham	31	7	9	15	40	50	-10	30
18	West Ham	31	7	8	16	36	57	-21	29
19	Burnley	31	4	8	19	33	61	-28	20
20	Wolves	31	3	8	20	24	54	-30	17