Emil Atla fór í aðgerð og verður ekki meira með á tímabilinu
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Emil Atlason mun að öllum líkindum ekki spila meira með Stjörnunni á þessu tímabili. Emil meiddist gegn ÍBV í lok síðasta mánaðar og fór í aðgerð á liðþófa fyrir um viku síðan.
„Liðþófinn skaddaðist og ég þurfti að fara í aðgerð fyrir um viku síðan. Það var talað um að það yrði eitthvað í kringum 12 vikur sem bataferlið tæki. Einhver smá möguleiki að ná 1-2 leikjum en ég veit ekki hvort það sé raunsætt," sagði Emil við Fótbolta.net.
Tímabilinu á Íslandi lýkur í lok október og því þyrfti bataferlið að ganga ansi vel svo Emil næði að spila fyrir lok móts.
„Liðþófinn skaddaðist og ég þurfti að fara í aðgerð fyrir um viku síðan. Það var talað um að það yrði eitthvað í kringum 12 vikur sem bataferlið tæki. Einhver smá möguleiki að ná 1-2 leikjum en ég veit ekki hvort það sé raunsætt," sagði Emil við Fótbolta.net.
Tímabilinu á Íslandi lýkur í lok október og því þyrfti bataferlið að ganga ansi vel svo Emil næði að spila fyrir lok móts.
Emil fékk högg á hnéð í leik gegn ÍBV. „Það var farið einhvern veginn í stoðfótinn á mér."
Fannstu strax að þetta gæti verið svona alvarlegt?
„Já, ég fann alveg fyrir því. En ég fann að þetta var samt ekki krossbandið. Ég bjóst við því að varnarmaðurinn færi í boltann, en hann hendir sér í tæklingu og fer í gegnum mig og fer í boltann. Ég fer inn á við og finn strax að það er eitthvað sem gerist," sagði Emil.
Hann hefur átt gott tímabil með Stjörnunni, skorað ellefu mörk í nítján deildarleikjum. Fyrir þetta tímabilið hafði hann mest skorað fimm mörk á einu tímabili. Það gerði hann hjá KR tímabilið 2012.
Nánar var rætt við Emil og var hann spurður út í sitt tímabil. Sá hluti verður birtur seinna í dag. Hér að neðan má hlusta á umræðu um 21. umferð Bestu deildarinnar. Þar er rætt um Stjörnuna og Emil.
Fannstu strax að þetta gæti verið svona alvarlegt?
„Já, ég fann alveg fyrir því. En ég fann að þetta var samt ekki krossbandið. Ég bjóst við því að varnarmaðurinn færi í boltann, en hann hendir sér í tæklingu og fer í gegnum mig og fer í boltann. Ég fer inn á við og finn strax að það er eitthvað sem gerist," sagði Emil.
Hann hefur átt gott tímabil með Stjörnunni, skorað ellefu mörk í nítján deildarleikjum. Fyrir þetta tímabilið hafði hann mest skorað fimm mörk á einu tímabili. Það gerði hann hjá KR tímabilið 2012.
Nánar var rætt við Emil og var hann spurður út í sitt tímabil. Sá hluti verður birtur seinna í dag. Hér að neðan má hlusta á umræðu um 21. umferð Bestu deildarinnar. Þar er rætt um Stjörnuna og Emil.
