Lið vikunnar í enska - Fjórir úr Liverpool-borg

Markvörður: Alisson Becker (Liverpool) - Átti magnaða vörslu þegar Bryan Mbeumo komst einn í gegn og var almennt frábær í leiknum. Enn ein stóra frammistaðan frá honum í treyju Liverpool.

Varnarmaður: Victor Lindelöf (Manchester United) - Óvænt hetja United gegn Luton. Skoraði sigurmarkið og átti fínan leik í vörninni.

Varnarmaður: William Saliba (Arsenal) - Skoraði annað mark Arsenal og snýr aftur í lið vikunnar eftir nokkurra vikna fjarveru.

Varnarmaður: Vitalyi Mykolenko (Everton) - Úkraínumaðurinn skoraði annan leikinn í röð og átti þátt í öðru markinu er Abdoulaye Doucoure hirti frákastið eftir að skot Mykolenko hafnaði í stönginni.

Miðjumaður: Pablo Sarabia (Wolves) - Mögnuð innkoma hjá Spánverjanum í 2-1 sigrinum á Tottenham. Jafnaði metin og lagði síðan upp sigurmarkið og það allt undir lok leiks.

Miðjumaður: Tomas Soucek (West Ham) - Heldur áfram að koma sér í færin og er að nýta þau. Sótti stigin þrjú fyrir West Ham.

Miðjumaður: Abdoulaye Doucoure (Everton) - Getur verið taugatrekkjandi að vera einn á móti opnu marki en það var það ekki fyrir Doucoure. Skoraði í góðum sigri Everton og spilaði almennt séð vel í leiknum gegn Palace.

Miðjumaður: John McGinn (Aston Villa) - Verið einn stöðugasti leikmaður liðsins undanfarin ár og það var sama sagan gegn Fulham. Skoraði annað markið og átti þátt í þriðja.

Sóknarmaður: Mohamed Salah (Liverpool) - Salah er Salah. Tvö mörk gegn Brentford og mætir heitur í leikinn gegn Manchester City eftir landsleikjahlé.

Sóknarmaður: Dominic Solanke (Bournemouth) - Fékk aldrei nógu mörg tækifæri til að sanna sig hjá Liverpool, en hann er einn af þeim bestu hjá Bournemouth. Gerði bæði mörkin í 2-0 sigri á Newcastle og verðskuldar sæti í liði vikunnar.

Sóknarmaður: Cole Palmer (Chelsea) - Ótrúlegir hæfileikar í þessum strák. Átti frábæran leik gegn sínu gamla félagi og var ískaldur á punktinum í uppbótartíma er hann bjargaði stigi fyrir heimamenn.