Félagið tilkynnir þetta á heimasíðu sinni í morgunsárið en þar segir jafnframt að Henriksen skrifi undir samning sem gildir til ársins 2026.

Henriksen, sem spilaði um gott skeið með ÍBV, Val og Fram hér á Íslandi, stýrði Horsens og Midtjylland í Danmörku áður en hann hélt til Zürich í Sviss í fyrra.

Þar hefur hann verið að vinna fínt starf og vakið áhuga annarra félaga, en hann hefur núna verið ráðinn til Mainz.

Mainz er sem stendur í 17. sæti þýsku úrvalsdeildarinnar og er Henriksen ætlað það hlutverk að bjarga liðinu frá falli.