Hallgrímur Mar.
„Ég veit ekki hvernig mér á að líða, það er svo langt síðan maður vann fótboltaleik það er bara geggjað að sigurinn kom loksins eftir langa bið," sagði Hallgrímur Mar Steingrímsson, annar markaskorara KA, eftir sigur á Fylki í dag.
Lestu um leikinn: KA 2 - 0 Fylkir
Mikill léttir
Sigurinn í dag var annar sigur KA í sumar, báðir hafa komið á heimavelli. Grímsi skoraði fyrra mark leiksins strax á 2. mínútu leiksins og var það mark fyrsta deildarmarkið hans í sumar. Hvernig líður honum með það?
„Það er mikill léttir, ég er búinn að bíða eftir þessu lengi. Liðið er allt að smella saman og sóknarleikurinn vonandi að komast í gang núna og vonandi fylgja bara fleiri [mörk] í kjölfarið."
Menn mega segja það sem þeir vilja
Það var mikið rætt og ritað fyrir mót og áfram þegar liðið hefur á mótið að Grímsi hefði mætt of þungur og ekki í leikformi þegar hann kom til landsins eftir dvöl í Hollandi í vetur. Hvað finnst honum um þá umræðu?
„Menn mega segja það sem þeir vilja en ég æfði eins og skepna úti í Hollandi. Ég veit ekki hvort ég hafi lyft of mikið og verið of þungur þess vegna. Um leið og ég kom heim þá kom covid og þá fór eitthvað smá í fokk. Ég var í fínu formi."
Sjá einnig:
„Hallgrímur virkar þungur og er ekki jafn afgerandi"
Hallgrímur sagði þá að markvörðurinn, Kristijan Jajalo, hafi verið frábær í sumar og hafi verið frábær í dag. Hann var einnig spurður út í framhaldið og spilamennsku liðsins í heild sinni. Svörin við þeim spurningum má heyra í spilaranum hér að ofan.
Athugasemdir
