Spánn: Betis og Elche unnu á útivelli

Elche heimsótti Getafe í fyrri leik kvöldsins og gerði Lucas Perez, fyrrum leikmaður Arsenal, eina mark leiksins á 69. mínútu, skömmu eftir að hafa komið inn af bekknum.

Real Betis hafði betur gegn Granada þar sem Rodri skoraði skömmu fyrir leikhlé en hinn kólumbíski Luis Suarez jafnaði í síðari hálfleik.

Það var undir lokin sem Sergio Canales gerði sigurmarkið fyrir Betis sem var mun betri aðilinn í leiknum og verðskuldaði sigurinn.

Betis og Elche eru með fimm stig eftir fjórar umferðir. Granada er aðeins með tvö stig á meðan Getafe er án stiga.

Getafe 0 - 1 Elche
0-1 Lucas Perez ('69)

Granada 1 - 2 Real Betis
0-1 Rodri ('45)
1-1 Luis Suarez ('66)
1-2 Sergio Canales ('89)