Listamaðurinn Patrik Atlason, sem gengur undir nafninu Prettyboitjokko, er að leggja lokahönd á nýtt Víkingslag sem hann gefur út í tilefni leiksins á laugardaginn.

Prettyboitjokko á vinsælasta sumarsmell ársins, lagið 'Skína' sem meðal annars er spilað á næstum öllum íþróttaleikvöngum landsins.

Patrik er mikill Víkingur og lék upp í meistaraflokk félagsins. Hann lék einn leik með liðinu í efstu deild 2011. Systir hans, Nadía Atladóttir, leikur með kvennaliði Víkings og varð bikarmeistari fyrir nokkrum vikum síðan.

Það er mikil spenna fyrir leiknum á laugardag og ljóst að þetta lag mun klárlega auka á þá spennu.