Lamine Yamal er yngsti leikmaður til að spila úrslitaleik Evrópumótsins en hann náði þessum áfanga um leið og flautað var til leiks í kvöld.
Lestu um leikinn: Spánn 2 - 1 England
Yamal, sem fagnaði 17 ára afmæli sínu í gær, er í byrjunarliði Spánverja gegn Englendingum á Ólympíuleikvanginum í Berlín.
Vængmaðurinn hefur slegið hvert metið á fætur öðru á þessu móti og setti hann enn eitt metið í kvöld.
Hann er nú yngsti leikmaðurinn til að spila til úrslita á EM og tók þar með metið af Renato Sanches sem var 18 ára og 327 daga gamall er hann byrjaði í úrslitaleik EM 2016 með Portúgölum.
Þá er hann sá yngsti til að spila úrslitaleik í stórmóti í sögunni og tekur þar með metið af Pele sem var 17 ára og 249 daga gamall er hann spilaði í úrslitum HM 1958.
Yamal hefur verið með bestu mönnum mótsins. Hann hefur skorað eitt mark og lagt upp þrjú til þessa.
Athugasemdir