| mið 14. október 2020 12:00 |
|
Ellefu leikmenn sem félög í úrvalsdeildinni gætu keypt fyrir helgi
Félagaskiptaglugginn lokaði í síðustu viku en í England geta félög í ensku úrvalsdeildinni ennþá sótt leikmenn í neðri deildir þangað til á föstudagskvöld. Nokkur félög í úrvalsdeildinni eru að skoða leikmenn í Championship deildinni og Daily Mail tók saman lista yfir leikmenn sem gætu farið í úrvalsdeildian fyrir helgi.
Said Benrahma (Brentford) - Nálægt því að ganga í raðir West Ham á 25 milljónir punda.
Todd Cantwell (Norwich) - Sýndi skemmtilega takta í úrvalsdeildinni á síðasta tímabili. Marcelo Bielsa vill fá hann í sóknarboltann hjá Leeds.
Joe Rodon (Swansea) - Miðvörður í landsliði Wales. Er á óskalista Tottenham. Leicester hefur líka augastað á honum.
Max Aarons (Norwich) - Barcelona og Bayern Munchen skoðuðu þennan unga bakvörð í sumar. Tottenham hefur einnig áhuga.
Joshua King (Bournemouth) - Norski framherjinn er á óskalista West Ham og WBA. Er á síðasta ári samnings og Bournemouth gæti því selt hann.
Ismaila Sarr (Watford) - Kantmaðurinn öflugi hefur verið orðaður við Manchester United og Crystal Palace. 40 milljóna punda verðmiði Watford flækir hins vegar málin.
David Brooks (Bournemouth) - Hefur verið orðaður við Manchester United, Liverpool, Leicester, Tottenham og Everton undanfarna mánuði. Bournemouth vill 40 milljónir punda fyrir Brooks og það hefur ýtt félögum í burtu hingað til.
Terence Kongolo (Huddersfield) - Hollenski varnarmaðurnin er líklega á leið til Fulham á þrjár milljónir punda.
Michael Olise (Reading) - 18 ára kantmaður Reading sem er undir smásjá Arsenal, Wolves og Leeds.
Emi Buendia (Norwich) - Argentínumaðurinn öflugi hefur verið orðaður við Leeds og Aston Villa.
Troy Deeney (Watford) - Fyrirliði Watford gæti farið frá félaginu. Brighton, Southampton og WBA eru að skoða hann.
Athugasemdir
