Manchester City er á barmi þess að tryggja sér enska meistaratitilinn, Arsenal tapaði fyrir Brighton, Manchester United vann í baráttunni um Meistaradeildarsæti og í fallbaráttunni harðnar baráttan enn frekar. Garth Crooks sérfræðingur BBC er búinn að velja úrvalslið umferðarinnar.
Markvörður: Jason Steele (Brighton) - Átti frábæran leik í marki Brighton sem rúllaði yfir Arsenal 3-0. Margar mikilvægar vörslur.
Varnarmaður: Pervis Estupinan (Brighton) - Skoraði í sigri Brighton gegn Arsenal. Þvílík frammistaða hjá liði Brighton og Estupinan var framúrskarandi, hélt Bukayo Saka í skefjum.
Varnarmaður: Moises Caicedo (Brighton) - Arsenal vill kaupa Caicedo og eftir frammistöðu hans gegn þeim um helgina er auðvelt að sjá af hverju.
Varnarmaður: Manuel Akanji (Manchester City) - Svisslendingurinn hefur reynst frábær viðbót hjá Manchester City. Svissneski varnarmaðurinn spilar af miklu öryggi og getur bæði leikið í þriggja og fjögurra manna línu.
Miðjumaður: Curtis Jones (Liverpool) - Fór illa með Leicester sem berst fyrir lífi sínu í deildinni. Jones skoraði tvívegis í 3-0 sigri Liverpool.
Miðjumaður: Douglas Luiz: (Aston Villa) - Skoraði frábært aukaspyrnumark þegar Aston Villa vann Tottenham 2-1.
Miðjumaður: Ilkay Gundogan (Manchester City) - Þvílík fyrirliðaframmistaða hjá Gundogan. Tvö ólík en glæsileg mörk og geggjuð stoðsending í 3-0 sigri gegn Everton.
Miðjumaður: Eberechi Eze (Crystal Palace) - Fór með himinskautum og skoraði bæði mörkin í 2-0 sigri gegn Bournemouth. Fékk stuðningsmenn Palace til að standa á fætur trekk í trekk.
Sóknarmaður: Callum Wilson (Newcastle) - Svellkaldur á vítapunktinum og skoraði úr tveimur vítum í 2-2 jafntefli gegn Leeds.
Sóknarmaður: Antony (Manchester United) - Brasilíumaðurinn umdeildi var stjarna sýningarinnar þegar United vann 2-0 sigur gegn Wolves. Var sífellt ógnandi allan leikinn og átti stoðsendingu.
Sóknarmaður: Taiwo Awoniyi (Nottingham Forest) - Hefur átt kaflaskipt tímabil en nígeríski sóknarmaðurinn er að stíga upp á mikilvægum tímapunkti. Skoraði bæði mörk Forest í 2-2 jafntefli gegn Chelse á Brúnni.
Athugasemdir
