Óskar Smári hafði verið aðstoðarmaður Kristjáns Guðmundssonar hjá Stjörnunni og þjálfari 2. flokks hjá félaginu áður en hann hélt heim á Sauðárkrók og tók þátt í ævintýri liðsins í sumar.

Samningur Óskars við Tindastól rann út eftir tímabilið og hefur hann fengið þau skilaboð að hann fái ekki endurnýjun á samningi.

„Þetta eru ákveðin vonbrigði, en staðreyndin er sú að liðið féll um deild og stjórn knattspyrnudeildar Tindastóls vill ráða inn reynslumeiri þjálfara. Ég virði þá ákvörðun hjá stjórninni," sagði Óskar Smári.

„Mig langar að fá að nota tækifærið og þakka stjórn meistaraflokks, kvennaráði, þjálfurum, stuðningsmönnum og leikmönnum liðsins fyrir samstarfið á liðnu tímabili og óska ég Tindastól alls hins besta í framtíðinni. Ég mun mæta sem stuðningsmaður í stúkuna á komandi tímabili.," sagði Óskar.

Óskar segir að það séu allar líkur á því að hann flyti á höfuðborgarsvæðið í kjölfarið.