„Velkominn Gonzi og áfram ÍBV, alltaf alls staðar," segir í tilkynningu frá ÍBV.

Gonzalo er 25 ára sóknarleikmaður og skoraði ellefu mörk í tuttugu leikjum í Lengjudeildinni í ár.

Hann kom fyrst til landsins 2017 og spilaði þá fyrir Huginn, var hjá Víkingi Ólafsvík árið á eftir og lék svo með ÍA í Pepsi Max-deildinni í fyrra þar sem hann spilaði 20 leiki en náði ekki að skora.

ÍBV hafnaði í sjötta sæti Lengjudeildarinnar í ár.