Benoný Breki var hetjan aðra helgina í röð
Benoný Breki Andrésson er kominn í stuð með Stockport County en hann skoraði sigurmark liðsins aðra helgina í röð er það vann Rotherham 3-2 í C-deildinni á Englandi.
Hann skoraði seint sigurmark í uppbótartíma gegn Huddersfield um síðustu helgi.
Þá lagði hann upp jöfnunarmarkið í 2-1 sigri á Harrogate í EFL-bikarnum í vikunni. Hann hélt því uppteknum hætti þegar Stockport mætti Rotherham í dag.
Framherjinn kom inn af bekknum á 61. mínútu er staðan var 2-2 og fimmtán mínútum síðar gerði hann sigurmarkið.
Stockport er í 4. sæti með 45 stig, fjórum stigum frá Lincoln sem er í öðru sæti, en tvö efstu liðin fara beint upp í B-deildina í vor.
The Ice Man wins a crazy game at Edgeley Park ???????? #StockportCounty pic.twitter.com/9FJxebuwln
— Stockport County (@StockportCounty) January 17, 2026
Athugasemdir
