Cristiano Ronaldo skoraði tvö í fyrsta leik. Hvað geri hann gegn West Ham?
Romelu Lukaku og hans menn í Chelsea spila við Tottenham
Fimmta umferð ensku úrvalsdeildarinnar fer fram um helgina en Tottenham og Chelsea mætast í Lundúnarslag á sunnudag á meðan Cristiano Ronaldo og liðsfélagar hans í Manchester United spila við West Ham.
Fyrsti leikur umferðarinnar er á St. James' Park í kvöld en Newcastle tekur þá á móti Leeds. Bæði lið hafa verið í basli í byrjun leiktíðar en Leeds er með tvö stig á meðan Newcastle er aðeins með eitt stig.
Á morgun spilast sex leikir. Wolves leikur við nýliða Brentford áður en 14:00 leikirnir hefjast.
Liverpool, sem er taplaust, spilar við Crystal Palace á Anfield á meðan Mikel Arteta og lærisveinar hans mæta Burnley. Jóhann Berg Guðmundsson verður væntanlega í eldlínunni hjá Burnley.
Englandsmeistarar Manchester City mæta Southampton á Etihad og hefur Pep Guardiola, stjóri City, kallað eftir betri mætingu á völlinn, stuðningmönnum félagsins ekki til mikillar hamingju.
Þá er nýliðaslagur á Carrow Road er Norwich og Watford mætast áður en Aston Villa og Everton eigast við klukkan 16:00.
Á sunnudag fara tveir leikir fram klukkan 13:00. Brighton spilar við Leicester og þá mætast West Ham og Manchester United. Cristiano Ronaldo skoraði tvö í fyrsta úrvalsdeildarleiknum í 12 ár en hvað gerir hann í Lundúnum?
Klukkan 15:30 er svo leikur Tottenham og Chelsea. Tottenham hefur unnið þrjá og tapað einum en Chelsea hefur unnið þrjá og gert eitt jafntefli.
Leikir helgarinnar:
Föstudagur:
19:00 Newcastle - Leeds
Laugardagur:
11:30 Wolves - Brentford
14:00 Burnley - Arsenal
14:00 Liverpool - Crystal Palace
14:00 Man City - Southampton
14:00 Norwich - Watford
16:30 Aston Villa - Everton
Sunnudagur:
13:00 Brighton - Leicester
13:00 West Ham - Man Utd
15:30 Tottenham - Chelsea
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 34 | 24 | 5 | 5 | 82 | 26 | +56 | 77 |
| 2 | Liverpool | 34 | 22 | 8 | 4 | 75 | 34 | +41 | 74 |
| 3 | Man City | 32 | 22 | 7 | 3 | 76 | 32 | +44 | 73 |
| 4 | Aston Villa | 34 | 20 | 6 | 8 | 71 | 50 | +21 | 66 |
| 5 | Tottenham | 32 | 18 | 6 | 8 | 65 | 49 | +16 | 60 |
| 6 | Man Utd | 33 | 16 | 5 | 12 | 51 | 50 | +1 | 53 |
| 7 | Newcastle | 33 | 15 | 5 | 13 | 69 | 54 | +15 | 50 |
| 8 | West Ham | 34 | 13 | 9 | 12 | 54 | 63 | -9 | 48 |
| 9 | Chelsea | 32 | 13 | 8 | 11 | 61 | 57 | +4 | 47 |
| 10 | Bournemouth | 34 | 12 | 9 | 13 | 49 | 60 | -11 | 45 |
| 11 | Brighton | 32 | 11 | 11 | 10 | 52 | 50 | +2 | 44 |
| 12 | Wolves | 34 | 12 | 7 | 15 | 46 | 54 | -8 | 43 |
| 13 | Fulham | 34 | 12 | 6 | 16 | 50 | 54 | -4 | 42 |
| 14 | Crystal Palace | 34 | 10 | 9 | 15 | 44 | 56 | -12 | 39 |
| 15 | Brentford | 34 | 9 | 8 | 17 | 52 | 59 | -7 | 35 |
| 16 | Everton | 34 | 11 | 8 | 15 | 36 | 48 | -12 | 33 |
| 17 | Nott. Forest | 34 | 7 | 9 | 18 | 42 | 60 | -18 | 26 |
| 18 | Luton | 34 | 6 | 7 | 21 | 47 | 75 | -28 | 25 |
| 19 | Burnley | 34 | 5 | 8 | 21 | 37 | 69 | -32 | 23 |
| 20 | Sheffield Utd | 34 | 3 | 7 | 24 | 33 | 92 | -59 | 16 |
Athugasemdir
