Lið vikunnar í enska - Tveir úr United eftir Manchester slaginn

Markvörður - Jordan Pickford (Everton) - Steig upp þegar Everton náði í mikilvægt og óvænt stig með 0-0 jafntefli gegn Arsenal.

Varnarmaður: Djed Spence (Tottenham) - Hefur ekki fengið mörg tækifæri en lék frábærlega og átti stoðsendingu í 5-0 sigri gegn Southampton. Nýtti tækifærið og sendi Ange Postecoglou skilaboð.

Varnarmaður: Nikola Milenkovic (Nottingham Forest) - Serbinn hefur átt afskaplega gott tímabil á sínu fyrsta ári með Forest. Skoraði í 2-1 sigri gegn Aston Villa.

Varnarmaður: Archie Gray (Tottenham) - Þessi ungi fjölhæfi leikmaður var settur í hjarta varnarinnar gegn Southampton og gerði mjög vel.

Varnarmaður: Marc Cucurella (Chelsea) - Hefur verið mjög öflugur með Chelsea á tímabilinu og sýnt stöðugleika. Hann skoraði í 2-1 sigri gegn Brentford og þó hann hafi látið reka sig útaf í uppbótartíma þá kemst hann í úrvalsliðið.

Miðjumaður: Pape Matar Sarr (Tottenham) - Skoraði og sýndi yfirvegun og flottan leik gegn Dýrlingunum. Hefur verið mjög góður síðustu vikur.

Miðjumaður: Manuel Ugarte (Manchester United) - Var afskaplega drjúgur í 2-1 sigri Manchester United gegn Manchester City. Algjör vél á miðsvæðinu og vann mikilvægar tæklingar.

Sóknarmaður: Amad Diallo (Manchester United) - Er að bæta sig og farinn að finna mun meiri stöðugleika. Skoraði sigurmarkið gegn City.

Sóknarmaður: Ismaila Sarr (Crystal Palace) - Sýndi hvers hann er megnugur með tveimur mörkum í 3-1 sigri gegn Brighton.

Sóknarmaður: Jacob Murphy (Newcastle) - Er að koma á óvart með frábærri frammistöðu. Skoraði tvívegis í 4-0 sigri gegn Leicester.

Sóknarmaður: Alexander Isak (Newcastle) - Verðmiðinn hækkar og hækkar, það er magnað að fylgjast með honum. Af hverju er Arsenal ekki búið að kaupa hann?