Um síðustu helgi spilaði hún sinn áttunda leik fyrir félagið og var það hennar þriðji byrjunarliðsleikur. Í lok leiks upplifði Berglind í fyrsta skiptið að geta fagnað sigri með liðinu, langþráð tilfinning.

Huelva vann Valencia 1-2 á útivelli og er liðið tveimur stigum frá fallsæti þegar fimm umferðir eru eftir.

Í viðtali í janúar sagði Berglind að samningurinn væri út tímabilið og svo yrði staðan tekin með framhaldið. Samkvæmt heimildum Fótbolta.net eru yfirgnæfandi líkur á því að Berglind sé á leið heim og gæti því spilað í Bestu deildinni seinni hluta tímabilsins. Tímabilinu á Spáni lýkur ekki fyrr en 20. maí og þá er glugginn á Íslandi lokaður og opnar ekki aftur fyrr en 18. júlí.

Í hlaðvarpsþættinum Heimavöllurinn var sagt að Berglind gæti verið á leið í Breiðablik.