Lið vikunnar í enska - Tveir úr Liverpool þrátt fyrir tap

Markvörður: Emiliano Martínez (Aston Villa) - Táraðist eftir 2-0 sigur gegn Tottenham. Er hann að kveðja Villa og enska boltann?

Varnarmaður: Marc Cucurella (Chelsea) - Sýnt mikinn stöðugleika í gegnum tímabilið og skoraði eina markið í 1-0 sigri gegn Manchester United.

Varnarmaður: Nikola Milenkovic (Nottingham Forest) - Þessi stóri og stæðilegi Serbi hefur líklega verið besti miðvörður tímabilsins. Skoraði mikilvægt mark í sigrinum gegn West Ham.

Varnarmaður: Ezri Konsa (Aston Villa) - Skoraði gegn Spurs. Er að þróast og þroskast og orðinn mikill leiðtogi. Gæti orðið byrjunarliðsmaður með Englandi á HM á næsta ári.

Varnarmaður: Connor Bradley (Liverpool) - Margra augu beinast að Bradley vegna umræðu um bakvarðastöður Liverpool. Þrátt fyrir tap gegn Brighton átti hann góðan leik og lagði upp mark.

Miðjumaður: Declan Rice (Arsenal) - Skoraði sigurmarkið gegn Newcastle. Stígur upp þegar á þarf að halda. Leiðtogi án fyrirliðabands.

Miðjumaður: Yasin Ayari (Brighton) - Ungur, orkumikill og spennandi leikmaður sem skoraði laglegt mark gegn Liverpool.

Miðjumaður: Harvey Elliott (Liverpool) - Skoraði gegn Brighton. Sýndi þroska og sjálfstraust. Þarf mögulega að færa sig um set fyrir meiri spiltíma og gæti orðið stjarna hjá stóru félagsliði.

Miðjumaður: Iliman Ndiaye (Everton) - Hefur verið misjafn á tímabilinu en skráði sig í sögubækur félagsins með því að skora bæði mörkin í 2-0 sigrinum gegn Southampton í síðasta leiknum á Goodison Park.

Sóknarmaður: Eddie Nketiah (Crystal Palace) - Hefur átt erfitt tímabil en sýndi hvers hann er megnugur með tveimur mörkum í 4-2 sigri gegn Wolves.

Sóknarmaður: Jamie Vardy (Leicester) - Þessi goðsögn er að sjálfsögðu í liðinu. Skoraði sitt 200. mark fyrir Leicester í kveðjuleik sínum. Hver skrifaði þetta handrit?

Stjórinn: Marco Silva (Fulham) - Vann 3-2 útisigur gegn Brentford. Tveir leikmenn komu inn af bekknum skoruðu. Gerði breytingar sem virkuðu.