Lið vikunnar í enska - Lindelöf og Casemiro

Markvörður: David Raya (Brentford) - Miðpunktur athyglinnar þegar Brentford vann 3-1 sigur gegn Tottenham eftir að hafa lent undir.

Varnarmaður: Rico Henry (Brentford) - Mark Bryan Mbeumo kom upp úr innkasti frá Henry.

Varnarmaður: Victor Lindelöf (Manchester United) - Hefur leikið afar vel undanfarnar vikur og hjálpaði Manchester United að vinna 1-0 gegn Bournemouth.

Varnarmaður: Yerry Mina (Everton) - Skoraði dramadískt jöfnunarmark á 9. mínútu uppbótartíma gegn Wolves. Mark sem gæti reynst gulls ígildi í baráttunni gegn falldraugnum.

Varnarmaður: Kieran Trippier (Newcastle United) - Á stóran þátt í því að Newcastle er komið í Meistaradeildina. Þvílíkur leikmaður. Liðið tryggði sætið með 0-0 jafntefli gegn Leicester.

Miðjumaður: Jarrod Bowen (West Ham) - Hamrarnir eru komnir í úrslitaleik Sambandsdeildarinnar og búnir að innsigla áframhaldandi veru í úrvalsdeildinni. Bowen bauð upp á stoðsendingu og mark í 3-1 sigri gegn Leeds.

Miðjumaður - Morgan Gibbs-White (Nottingham Forest) - Drifkraftur hans í 1-0 sigri gegn Arsenal var ekkert minna en magnaður. Sigur sem innsiglaði áframhaldandi veru Forest í deild þeirra bestu.

Miðjumaður: Casemiro (Manchester United) - Brassinn hefur breytt miklu fyrir Manchester United. Skoraði frábært sigurmark gegn Bournemouth.

Miðjumaður: Kaoru Mitoma (Brighton) - Hefur heillað marga upp úr skónum á tímabilinu. Hann skoraði ekki í 3-1 sigrinum gegn Southampton en átti engu að síður geggjaðan leik.

Sóknarmaður: Aleksandar Mitrovic (Fulham) - Skoraði bæði mörk Fulham í 2-2 jafntefli gegn Crystal Palace. Serbinn er magnaður.

Sóknarmaður: Bryan Mbeumo (Brentford) - Þegar einar dyr lokast þá opnast aðrar. Ivan Toney er í banni og þá stígur þessi gæi bara upp.