Troy Deeney sér um að velja lið vikunnar í ensku úrvalsdeildinni í hverri viku. Liverpool er með eins stigs forystu á Manchester City á toppi deildarinnar en Arsenal missteig sig og tapaði gegn Bournemouth um helgina. Hér er lið 8. umferðar.
Markvörður: Emi Martínez (Aston Villa) - Varði víti í 3-1 sigri Aston Villa gegn Fulham en þá var staðan 1-1.
Varnarmaður: Ashley Young (Everton) - Lék allan leikinn í 2-0 sigri gegn Ipswich. 39 ára hljóp hann allan tímann og gerði allt rétt varnarlega, hleypti engum framhjá sér.
Varnarmaður: Joel Veltman (Brighton) - Hjálpaði sínu liði að halda hreinu og vinna Newcastle. Yfirvegaður.
Varnarmaður: Michael Keane (Everton) - Skoraði í sigrinum gegn Ipswich og steig ekki feilspor varnarlega.
Varnarmaður: Josko Gvardiol (Manchester City) - Hann er betri í hvert sinn sem ég sé hann. Stór og sterkur, góður með báðum fótum og elskar að tækla. Skoraði afskaplega gott mark í sigrinum gegn Úlfunum.
Miðjumaður - Mario Lemina (Wolves) - Fyrirliðinn leiddi af fordæmi og með miklum baráttuhug gegn Manchester City.
Miðjumaður: Curtis Jones (Liverpool) - Skein skært í sigrinum gegn Chelsea, sótti víti og skoraði svo sigurmarkið.
Miðjumaður: Facundo Buonanotte (Leicester City) - Þessi nítján ára Argentínumaður skoraði og átti stóran þátt í því að Leicester náði að snúa dæminu við gegn Southampton um helgina.
Sóknarmaður: Mohamed Salah (Liverpool) - Skorar alltaf í stóru leikjunum. Skoraði af vítapunktinum gegn Chelsea og var til vandræða fyrir vörn liðsins allan leikinn.
Sóknarmaður: Son Heung-min (Tottenham) - Innsiglaði sigur Tottenham þegar hann skoraði fjórða mark liðsins í 4-1 sigri gegn West Ham.
Sóknarmaður: Chris Wood (Nottingham Forest) - Þessi sóknarmaður af gamla skólanum hættir ekki að skora fyrir Forest. Gerði sigurmarkið gegn Crystal Palace.
Athugasemdir