Lið vikunnar í enska - Toney og fjórir fulltrúar Liverpool

Markvörður: Emiliano Martínez (Aston Villa) - Villa gerði markalaust jafntefli gegn Everton en Argentínumaðurinn í markinu kom í veg fyrir að Villa hreinlega tapaði leiknum.

Varnarmaður: Gabriel (Arsenal) - Skoraði fyrstu tvö mörk Arsenal í 5-0 sigri gegn Crystal Palace.

Varnarmaður: James Tarkowski (Everton) - Var sem klettur í vörn Everton í jafnteflinu gegn Villa og fleygði sér í alla bolta.

Varnarmaður: Ibrahima Konate (Liverpool) - Hrikalega öflugur í öruggum 4-0 sigri á Bournemouth.

Miðjumaður: Bernardo Silva (Manchester City) - Sýndi snilli sína með frábæru marki í 3-2 sigri Manchester City gegn Newcastle.

Miðjumaður: Kevin de Bruyne (Manchester City) - Mættur aftur með hvelli. Sá til þess að City vann þennan leik gegn Newcastle.

Miðjumaður: Alexis Mac Allister (Liverpool) - Magnaður á miðsvæði Liverpool í sigrinum gegn Bournemouth. Gerir hlutina vel og einfalt.

Miðjumaður: Rodrigo Bentancur (Tottenham) - Skoraði jöfnunarmark Tottenham gegn Manchester United og stóð upp úr í leiknum.

Sóknarmaður: Diogo Jota (Liverpool) - Stoðsending og tvö mörk gegn Bournemouth.

Sóknarmaður: Darwin Nunez (Liverpool) - Salah er í Afríkukeppninni en Liverpool raðar samt inn mörkum. Nunez skoraði tvö gegn Bournemouth.

Sóknarmaður: Ivan Toney (Brentford) - Þvílík endurkoma! Toney skoraði frábært aukaspyrnumark og átti bara frábæran leik yfir allt. Brentford vann gríðarlega mikilvægan 3-2 sigur gegn Nottingham Forest.