Toppliðin Arsenal, Manchester City og Aston Villa unnu öll í 17. umferð ensku úrvalsdeildarinnar. Troy Deeney hjá BBC sér um að velja lið umferðarinnar.
Markvörður: Gianluigi Donnarumma (Manchester City) - Vissulega 3-0 sigur gegn West Ham en Ítalinn átti flottan leik og öflugar vörslur.
Vörn: Reece James (Chelsea) - Frábært aukaspyrnumark í 2-2 jafntefli gegn Newcastle. Er í fantaformi.
Vörn: Piero Hincapie (Arsenal) - Siglir aðeins undir radarnum í umræðunni. Hefur leikið fantavel og var traustur gegn Everton.
Vörn: Joachim Andersen (Fulham) - Traustur leikmaður sem átti góðan leik í 1-0 sigri gegn Forest.
Vörn: Antonee Robinson (Fulham) - Bandaríski landsliðsmaðurinn er kominn úr meiðslum og farinn að spila gríðarlega vel.
Miðja: Keane Lewis-Potter (Brentford) - Skoraði bæði mörkin í 2-0 sigri gegn Úlfunum.
Miðja: Ethan Ampadu (Leeds) - Skilar alltaf sínu og skoraði í sigrinum gegn Palace.
Miðja: Morgan Rogers (Aston Villa) - Maður helgarinnar. Tvö frábær mörk í sigri á Manchester United. Fer með himinskautum með Villa.
Sókn: Nick Woltemade (Newcastle) - Skoraði bæði mörk Newcastle í jafnteflinu gegn Chelsea.
Sókn: Erling Haaland (Manchester City) - Skoraði tvö en hefði átt að skora fjögur gegn West Ham. Næsta mark hans verður 150. mark hans fyrir City.
Sókn: Dominic Calvert-Lewin (Leeds) - Þegar hann er heill skorar hann mörk.
Daniel Farke (Leeds United) - Öflugur 4-1 sigur gegn Crystal Palace.
Athugasemdir
