Troy Deeney hjá BBC hefur valið lið vikunnar í enska boltanum og má finna tvo leikmenn úr fjórum mismunandi félagsliðum þar. Brentford, Tottenham, West Ham og Crystal Palace eiga tvo fulltrúa hvert á meðan Newcastle, Liverpool og Brighton eiga einn á mann.
Markvörður: Alphonse Areola (West Ham) - Var frábær á Emirates og hélt hreinu í óvæntum sigri gegn framherjalausu Arsenal-liði.
Hægri bakvörður: Aaron Wan-Bissaka (West Ham) - Hefur verið frábær frá félagaskiptunum til West Ham og spilaði óaðfinnanlega gegn Arsenal. Var fullkominn í vörn og skapaði hættu í sókn.
Miðvörður: Ibrahima Konate (Liverpool) - Steig ekki feilskref í flottum sigri gegn Manchester City. Virgil van Dijk var líka frábær í hjarta varnarinnar.
Miðvörður: Daniel Munoz (Crystal Palace) - Skoraði glæsilegt skallamark gegn Fulham og gaf sóknarmönnum andstæðinganna ekkert pláss.
Vinstri bakvörður: Djed Spence (Tottenham) - Hefur verið frábær frá komu sinni til Tottenham og stóð sig mjög vel í sigrinum gegn Ipswich, þar sem hann skoraði eitt af fjórum mörkum Spurs.
Miðjumaður: Jack Hinshelwood (Brighton) - Var meðal bestu leikmanna Brighton í þægilegum sigri gegn Southampton. Hefur verið mjög góður síðustu vikur og stoppaði aldrei í sigrinum um helgina.
Miðjumaður: Mikkel Damsgaard (Brentford) - Var frábær gegn Leicester City og gaf tvær stoðsendingar í fjögurra marka sigri.
Miðjumaður: Lewis Miley (Newcastle) - Var stórkostlegur í sigrinum gegn Nottingham Forest. Besti leikmaður helgarinnar samkvæmt Troy Deeney.
Hægri kantur: Bryan Mbeumo (Brentford) - Klassaleikmaður sem Brentford verður að gera sitt besta til að halda í sumar. Stórkostlegur fótboltamaður sem virðist ennþá eiga auka gír inni.
Vinstri kantur: Brennan Johnson (Tottenham) - Spurs hefur saknað markanna hans Johnson sem er nýkominn aftur úr meiðslum og fagnar því með tvennu.
Framherji: Jean-Philippe Mateta (Crystal Palace) - Leiddi línuna frábærlega gegn Fulham en tókst ekki að skora. Hann verðskuldaði þó stoðsendinguna sína fyllilega og var óheppinn að skora ekki.
Þjálfari: Eddie Howe (Newcastle) - Hefur verið að gera góða hluti síðustu vikur og átti Newcastle magnaðan fyrri hálfleik gegn Nottingham Forest um helgina.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 35 | 23 | 7 | 5 | 67 | 26 | +41 | 76 |
| 2 | Man City | 34 | 21 | 8 | 5 | 69 | 32 | +37 | 71 |
| 3 | Man Utd | 35 | 18 | 10 | 7 | 63 | 48 | +15 | 64 |
| 4 | Liverpool | 35 | 17 | 7 | 11 | 59 | 47 | +12 | 58 |
| 5 | Aston Villa | 35 | 17 | 7 | 11 | 48 | 44 | +4 | 58 |
| 6 | Bournemouth | 35 | 12 | 16 | 7 | 55 | 52 | +3 | 52 |
| 7 | Brentford | 35 | 14 | 9 | 12 | 52 | 46 | +6 | 51 |
| 8 | Brighton | 35 | 13 | 11 | 11 | 49 | 42 | +7 | 50 |
| 9 | Chelsea | 35 | 13 | 9 | 13 | 54 | 48 | +6 | 48 |
| 10 | Everton | 35 | 13 | 9 | 13 | 44 | 44 | 0 | 48 |
| 11 | Fulham | 35 | 14 | 6 | 15 | 44 | 49 | -5 | 48 |
| 12 | Sunderland | 35 | 12 | 11 | 12 | 37 | 46 | -9 | 47 |
| 13 | Newcastle | 35 | 13 | 6 | 16 | 49 | 51 | -2 | 45 |
| 14 | Leeds | 35 | 10 | 13 | 12 | 47 | 52 | -5 | 43 |
| 15 | Crystal Palace | 34 | 11 | 10 | 13 | 36 | 42 | -6 | 43 |
| 16 | Nott. Forest | 35 | 11 | 9 | 15 | 44 | 46 | -2 | 42 |
| 17 | Tottenham | 35 | 9 | 10 | 16 | 45 | 54 | -9 | 37 |
| 18 | West Ham | 35 | 9 | 9 | 17 | 42 | 61 | -19 | 36 |
| 19 | Burnley | 35 | 4 | 8 | 23 | 35 | 71 | -36 | 20 |
| 20 | Wolves | 35 | 3 | 9 | 23 | 25 | 63 | -38 | 18 |
