Manchester City, Arsenal og Liverpool eru öll með fullt hús eftir tvær umferðir af ensku úrvalsdeildinni. Manchester United tapaði gegn Brighton um helgina. Troy Deeney sérfræðingur BBC er búinn að velja úrvalslið vikunnar í enska.
Markvörður: David Raya (Arsenal) - Átti magnaðar markvörslur í sigri Arsenal gegn Aston Villa.
Varnarmaður: Cristian Romero (Tottenham) - Varðist vel gegn Everton og skoraði eftir hornspyrnu.
Varnarmaður: Max Kilman (West Ham) - Minnir á ungan Rio Ferdinand og var frábær í sigri gegn Crystal Palace.
Varnarmaður: Micky van de Ven (Tottenham) - Hollendingurinn var með stoðsendingu gegn Everton.
Kantur: Noni Madueke (Chelsea) - Skoraði þrennu í 6-2 sigri Chelsea gegn Úlfunum.
Miðjumaður: Kevin de Bruyne (Manchester City) - Einfaldlega sá besti. Hann var ótrúlegur aftur þegar City vann Ipswich 4-1. Mark og stoðsending.
Miðjumaður: Emile Smith Rowe (Fulham) - Hjá Fulham fær hann að vera aðalmaður. Skoraði fyrra mark Fulham í 2-1 sigri gegn Leicester.
Kantur: Son Heung-min (Tottenham) - Besti maður vallarins í 4-0 sigrinum gegn Everton. Skoraði tvö.
Sóknarmaður: Cole Palmer (Chelsea) - Stoðsendingaþrenna og frábært mark. Ein besta 'tían' í bransanum í dag.
Sóknarmaður: Erling Haaland (Manchester City) - Hann elskar að skora mörk og gerði aftur þrennu. Orð eru óþörf.
Sóknarmaður: Joao Pedro (Brighton) - Þessi hæfileikaríki sóknarmaður skoraði sigurmarkið gegn Manchester United.
Stjóri: Fabian Hurzeler (Brighton) - Yngsti stjóri úrvalsdeildarinnar vann Manchester United í fyrsta heimaleik sínum með Brighton. Er hægt að biðja um það betra?
Athugasemdir
