Liverpool rúllaði yfir Ipswich eins og búist var við, Arsenal vann nauman sigur, Nottingham Forest fékk skell gegn Bournemouth og Manchester City vann endurkomusigur gegn Chelsea. Troy Deeney er búinn að velja lið umferðarinnar fyrir BBC.
Markvörður: David Raya (Arsenal) - Ákaflega traustur í sigri Arsenal gegn Wolves. Hélt markinu hreinu.
Varnarmaður: Trent Alexander-Arnold (Liverpool) - Algjörlega frábær þegar Liverpool vann öruggan sigur á Ipswich.
Varnarmaður: Lisandro Martínez (Manchester United) - Skoraði sigurmarkið gegn Fulham.
Varnarmaður: Josko Gvardiol (Manchester City) - Verður bara betri og betri með City. Skoraði í sigrinum gegn Chelsea.
Miðjumaður: Dominik Szoboszlai (Liverpool) - Fer vaxandi og skoraði í 4-1 sigrinum gegn Ipswich.
Sóknarmaður: Dango Ouattara (Bournemouth) - Skoraði þrennu gegn Forest.
Sóknarmaður: Alexander Isak (Newcastle) - Hefur verið algjörlega frábær og hættir ekki að skora. Skoraði tvö í 3-1 sigri gegn Southampton.
Sóknarmaður: Cody Gakpo (Liverpool) - Sjálfstraustið eykst. Skoraði tvö gegn Ipswich.
Stjórinn: Andoni Iraola (Bournemouth) - Stjóri tímabilsins?
