Garth Crooks sérfræðingur BBC velur úrvalslið umferðarinnar í ensku úrvalsdeildinni. Tveir koma úr bikarmeistaraliði Liverpool sem hafði betur gegn Chelsea á Wembley í frábærum úrslitaleik.
Markvörður: Caoimhin Kelleher (Liverpool) - Leit út eins og Alisson á köflum þegar Liverpool vann Chelsea í úrslitaleik deildabikarsins. Afar traustur varamarkvörður.
Varnarmaður: Calvin Bassey (Fulham) - Steig ekki feilspor í vörninni í sigri gegn Man Utd og skoraði svo flott mark á hinum enda vallarins líka.
Varnarmaður: Virgil van Dijk (Liverpool) - Gerði sigurmarkið í úrslitaleiknum og átti heilt yfir stórkostlegan leik.
Varnarmaður: Gabriel (Arsenal) - Virkilega flottur að venju í sannfærandi sigri á Newcastle.
Miðjumaður: Jordan Ayew (Crystal Palace) - Skoraði markið í 1-1 jafnteflinu gegn Everton í byrjun síðustu viku og fór svo fyrir liðinu í 3-0 sigri á Burnley í fyrsta leik Oliver Glasner við stjórnvölinn.
Miðjumaður: John Stones (Man City) - Gríðarlega mikilvægur fyrir Man City. Á því er enginn vafi.
Miðjumaður: Douglas Luiz (Aston Villa) - Hefur farið á kostum í liði Aston Villa á tímabilinu og átti flottan leik í sigri á Nottingham Forest.
Miðjumaður: Martin Ödegaard (Arsenal) - Arsenal hefur verið að spila magnaðan fótbolta að undanförnu og Ödegaard er að brillera.
Sóknarmaður: Leon Bailey (Aston Villa) - Lærisveinn Heimis Hallgrímssonar í landsliði Jamaíku fór illa með varnarmenn Nottingham Forest.
Sóknarmaður: Jarrod Bowen (West Ham) - Gerði þrennu í flottum sigri á Brentford. Gareth Southgate, varstu að horfa?
Sóknarmaður: Phil Foden (Man City) - Er að stíga upp fyrir Man City á mikilvægum augnablikum.
Athugasemdir
