Jói Berg kom aftur inn í lið Al Dhafra
Jóhann Berg Guðmundsson sneri aftur á völlinn með Al Dhafra í Sameinuðu arabísku furstadæmunum í dag en hann lék 83 mínútur í 2-0 tapi gegn Al Sharjah í deildinni.
Landsliðsmaðurinn var ekki með Al Dhafra í síðustu tveimur leikjum liðsins en kom aftur inn í byrjunarliðið í dag.
Hann hefur komið að fjórum mörkum í tíu leikjum með Al Dhafra síðan hann kom frá Al Orubah síðasta sumar.
Al Dhafra er í 8. sæti með 16 stig eftir fjórtán deildarleiki.
Óttar Magnús Karlsson var í byrjunarliði Renate sem tapaði fyrir Latina, 2-1, í undanúrslitum C-deildarbikarsins á Ítalíu.
Liðin skildu jöfn, 1-1, í fyrri leiknum sem fór fram á heimavelli Renate, en Latina náði að skora sigurmarkið í kvöld um það bil tuttugu mínútum fyrir leikslok.
Athugasemdir
