Heimild: Vísir
Allir starfsmenn KSí hafa verið boðaðir á fund hjá sambandinu klukkan 16:00 í dag en Klara Bjartmarz, framkvæmdastjóri KSÍ, staðfestir þetta í samtali við fréttastofu Vísis.
KSÍ fundaði í allan gærdag en sambandið hefur mátt þola mikla gagnrýni fyrir það hvernig það hefur tekið á ofbeldismálum landsliðsmanna.
Sambandið hélt áfram að funda í dag og nú hefur verið boðað til fundar hjá öllum starfsmönnum KSÍ. Sá fundur hefst klukkan 16:00 en Klara gaf ekki frekari upplýsingar um erindi fundarins.
Það má gera ráð fyrir að ofbeldismálin verði rædd á fundinum og má vænta frekari frétta síðar í dag.
Athugasemdir