Þýskaland: St. Pauli vann nýliðaslaginn

St. Pauli vann frábæran 3-1 sigur á Holsten Kiel í nýliðaslag þýsku deildarinnar í kvöld.

Liðin voru bæði í harðri baráttu um B-deildina á síðasta ári en St. Pauli hafði þar sigur á endanum en liðið endaði með einu stigi meira en Holsten Kiel.

St. Pauli vann báða leikina gegn Kiel á síðasta ári og hélt sigurgangan áfram í kvöld.

Manolis Saliakis skoraði með laglegu skoti frá vítateigslínunni sem hafnaði í stöng og inn. Jan Fiete Arp gat jafnaði metin undir lok fyrri hálfleiks er gestirnir fengu víti, en Nikola Vasilj varði meistaralega.

Heimamenn náðu í annað markið á 56. mínútu er Morgan Guilavogui fékk boltann hægra megin í teignu, einn á móti markverði, og skoraði örugglega.

Johannes Eggestein gerði út um leikinn með þriðja markinu eftir glæsilega sendingu Phillipp Treu. Þýski miðjumaðurinn bauð upp á sannkallaða Guti-sendingu inn fyrir vörnina á Eggestein sem skaut að marki. Timon Weiner, markvörður Holsten, kom puttunum í skotið, en þó ekki nóg til að bjarga marki.

Undir lokin skoruðu Holsten-menn sárabótarmark er Phil Harres kom boltanum í netið en lengra komust þeir ekki. Fyrsti heimasigur St. Pauli staðreynd og liðið nú í 15. sæti með 11 stig en Holsten í 17. sæti með 5 stig.