Rehanne Skinner, þjálfari West Ham í WSL-deildinni, hefur framlengt samning sinn við félagið út næsta tímabil.
Skinner tók við West Ham árið 2023 og varð þá fyrsti kvenkyns þjálfari félagsins í deildinni.
West Ham er í 7. sæti deildarinnar með 25 stig þegar tveir leikir eru eftir og á liðið góðan möguleika á að ná sínum besta árangri frá því deildin var sett á laggirnar.
„Ég er hæstánægð með að hafa framlengt samning minn við West Ham. Við höfum tekið miklum framförum, bæði innan sem utan vallar síðustu átján mánuði þar sem allir hafa lagt hönd á plóg.“
„Við erum með frábæran leikmannahóp og þjálfaralið, stuðningsríka stjórn og ástríðufulla og tryggja stuðningsmenn sem hafa hjálpað til.“
„Mér finnst við hafa lagt grunninn í að halda áfram að þróa leik okkar og vaxa, þannig ég er spennt að hafa fengið tækifærið til að leiða liðið áfram,“ sagði Skinner.
Íslenska landsliðskonan Dagný Brynjarsdóttir hefur verið á mála hjá West Ham frá 2021. Hún gerði nýjan eins árs samning á síðasta ári, en fengið færri mínútur í ár en árin á undan og er óvíst hvað hún mun gera eftir þetta tímabil.
Continuing this journey together ??
— West Ham United Women (@westhamwomen) April 29, 2025
We're delighted to announce that Rehanne Skinner has signed a contract extension with West Ham United ??
Athugasemdir
