Heimild: Vísir
Kári Árnason.
Kári Árnason, varnarmaður íslenska landsliðsins, segist í samtali við Vísi vera handviss um að hann verði klár í slaginn þegar Ísland mætir Rúmeníu í umspilinu fyrir EM alls staðar.
Kári fór meiddur af velli í fyrri hálfleik í leik Fylkis og Víkings í Pepsi Max-deildinni í síðustu viku.
Kári fór meiddur af velli í fyrri hálfleik í leik Fylkis og Víkings í Pepsi Max-deildinni í síðustu viku.
Kári segir afar ólíklegt að hann nái leik Víkings og KR annað kvöld en vonast til að geta spilað gegn KA á sunnudaginn.
„Ég er mjög tæpur fyrir KR-leikinn en ég er að vonast til að geta náð KA-leiknum. Og ég er alveg hundrað prósent klár í þennan landsleik. Sama þótt ég verði ekki klár verð ég klár," sagði Kári hlæjandi í samtali við Vísi í dag.
„Það er góður framgangur í þessu og ég tel fátt því til fyrirstöðu að ég spili gegn KA nema það sé of mikil áhætta fyrir þennan fjögurra milljarða króna leik."
Ísland á þrjá heimaleiki í næstu landsleikjatörn, gegn Rúmeníu í umspilinu 8. október og Danmörku og Belgíu í Þjóðadeildinni 11. og 14. október.
Athugasemdir
