Harry Kane skoraði fyrra mark Bayern í svekkjandi jafntefli gegn nýliðunum
Hamburger 2 - 2 Bayern
1-0 Fabio Vieira ('34 , víti)
1-1 Harry Kane ('42 )
1-2 Luis Diaz ('46 )
2-2 Luka Vuskovic ('53 )
1-0 Fabio Vieira ('34 , víti)
1-1 Harry Kane ('42 )
1-2 Luis Diaz ('46 )
2-2 Luka Vuskovic ('53 )
Þýskalandsmeistarar Bayern München töpuðu stigum annan deildarleikinn í röð er þeir gerðu 2-2 jafntefli við nýliða Hamburger SV í Hamborg í dag.
Bæjarar töpuðu fyrsta leik sínum á tímabilinu í síðustu umferð og héldu vandræðin áfram gegn Hamburger.
Eftir rúman hálftíma fengu heimamenn vítaspyrnu þegar Joshua Kimmich, sem hafði stuttu áður átt hörkuskot í þverslá, braut á sóknarmanni í teignum og vítaspyrna dæmd.
Portúgalinn Fabio Vieira fór á punktinn og skoraði með ofboðslega öruggu skoti neðst í vinstra hornið. Manuel Neuer skutlaði sér í rétt horn, en skot Vieira var fast og hnitmiðað.
Adam var ekki lengi í paradís því aðeins átta mínútum síðar jafnaði Harry Kane eftir fyrirgjöf Kimmich. Þetta var 22. deildarmark Kane á tímabilinu.
Vincent Kompany, þjálfari Bæjara, setti Luis Díaz inn á í hálfleik og þakkaði hann strax fyrir sig með því að koma gestunum yfir eftir stungusendingu Michael Olise.
Það getur oft komið uppgjöf í lið þegar þau lenda undir gegn Bayern, en það var ekki á dagskránni hjá Hamburger. Luka Vuskovic, sem er á láni frá Tottenham, skallaði boltanum í netið og jafnaði leikinn.
Undir lok leiks fengu heimamenn dauðafæri til þess að tryggja sér fyrsta sigurinn gegn Bayern síðan 2009. Neuer fór í skógarhlaup, boltanum vippað yfir hann og á vinstri vænginn en Alphonso Davies var fljótur á marklínuna og kom sínum mönnum til bjargar.
Jafntefli var niðurstaðan og fær Borussia Dortmund tækifæri til þess að saxa forystu Bæjara niður í sex stig ef liðinu tekst að vinna botnlið Heidenheim á morgun.
Stöðutaflan
Þýskaland
Bundesliga - karlar
Þýskaland
Bundesliga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Bayern | 23 | 19 | 3 | 1 | 85 | 21 | +64 | 60 |
| 2 | Dortmund | 23 | 15 | 6 | 2 | 48 | 22 | +26 | 51 |
| 3 | Hoffenheim | 23 | 14 | 4 | 5 | 49 | 30 | +19 | 46 |
| 4 | RB Leipzig | 23 | 13 | 4 | 6 | 44 | 31 | +13 | 43 |
| 5 | Stuttgart | 22 | 13 | 3 | 6 | 41 | 29 | +12 | 42 |
| 6 | Leverkusen | 22 | 12 | 3 | 7 | 43 | 28 | +15 | 39 |
| 7 | Frankfurt | 23 | 8 | 7 | 8 | 46 | 49 | -3 | 31 |
| 8 | Freiburg | 22 | 8 | 6 | 8 | 32 | 36 | -4 | 30 |
| 9 | Union Berlin | 23 | 7 | 7 | 9 | 29 | 37 | -8 | 28 |
| 10 | Augsburg | 23 | 8 | 4 | 11 | 28 | 41 | -13 | 28 |
| 11 | Hamburger | 22 | 6 | 8 | 8 | 25 | 32 | -7 | 26 |
| 12 | Köln | 23 | 6 | 6 | 11 | 33 | 39 | -6 | 24 |
| 13 | Mainz | 23 | 5 | 7 | 11 | 26 | 38 | -12 | 22 |
| 14 | Gladbach | 22 | 5 | 7 | 10 | 25 | 37 | -12 | 22 |
| 15 | Wolfsburg | 23 | 5 | 5 | 13 | 33 | 49 | -16 | 20 |
| 16 | Werder | 22 | 4 | 7 | 11 | 22 | 42 | -20 | 19 |
| 17 | St. Pauli | 22 | 4 | 5 | 13 | 20 | 39 | -19 | 17 |
| 18 | Heidenheim | 22 | 3 | 4 | 15 | 19 | 48 | -29 | 13 |
Athugasemdir
