Evrópudeildin: Arsenal með Molde í riðli - Albert mætir Napoli

Í morgun var dregið í riðlakeppni Evrópudeildarinnar. Arsenal, félag Rúnars Alex Rúnarssonar, er með Rapid Vín frá Austurríki, Molde frá Noregi og Dundalk frá Írlandi í riðli.

Tvö önnur ensk lið eru í riðlakeppninni; Tottenham og Leicester.

Sverr­ir Ingi Inga­son og félagar í PAOK eru með Granada í riðli en Sverrir lék með spænska liðinu um tíma.

CSKA Moskva er með Dinamo Zagreb og Feyenoord í riðli en landsliðsmennirnir Hörður Björgvin Magnússon og Arnór Sigurðsson leika fyrir CSKA.

Al­bert Guðmunds­son og félagar í AZ Alkmaar eru í einum skemmtilegasta riðli keppninnar ásamt Napoli, Real Sociedad og Rij­eka.