Víkingur er að vinna í því að kaupa Birni Snæ Ingason frá HK, sem féll úr Pepsi Max-deildinni á dögunum.
Arnar Gunnlaugsson, þjálfari Víkinga, staðfesti í samtali við Morgunblaðið að Íslandsmeistararnir hafi lagt fram tilboð í Birni. Hann hefur lengi verið undir smásjá félagsins.
Birnir, sem verður 25 ára í desember, skoraði sex mörk í 21 leik í Pepsi Max-deildinni í sumar.
Hrafnkell Freyr Ágústsson, sérfræðingur hlaðvarpsins Dr Football, segir að Birnir sé með klásúlu í samningi sínum við HK sem gerir honum kleift að yfirgefa félagið fyrir næsta tímabil.
„Ég heyri að hann sé með klásúlu þar sem HK féll sem hljóðar upp á 3,2 milljónir," sagði Hrafnkell.
Birnir er uppalinn hjá Fjölni en hefur einnig leikið fyrir Val. Hann hefur fengið gagnrýni fyrir óstöðugleika á sínum ferli en þegar hann er í gírnum er þessi stórskemmtilegi sóknarleikmaður illviðráðanlegur.
Hann er með samning við HK til ársins 2022.
1.okt og fyrsti Ágúst Þór Ágústsson í langan tíma.https://t.co/RtnAEa1YdL
— Dr. Football Podcast (@drfootballpod) October 1, 2021
Athugasemdir