Trent Alexander-Arnold er spenntur fyrir stórleik helgarinnar þegar Manchester United heimsækir Liverpool á Anfield á morgun.
Liverpool er óvænt í sjötta sæti ensku úrvalsdeildarinnar, sex stigum frá Meistaradeildarsæti, og því mikil barátta framundan. Liverpool virðist vera að snúa slæmu gengi á tímabilinu við eftir góða sigra gegn Wolves og Newcastle í síðustu umferðum. Þá er liðið búið að halda hreinu í fjórum úrvalsdeildarleikjum í röð.
„Við erum að spila góðan fótbolta og að ná í flott úrslit. Þetta er gríðarlega mikilvægur og viðkvæmur kafli tímabilsins. Við erum á réttri braut en þurfum að halda ótrauðir áfram, við megum ekki hægja á okkur í eina sekúndu. Við verðum að treysta á að önnur lið tapi stigum ef við ætlum að ná Meistaradeildarsæti en það er sem betur fer nóg eftir af tímabilinu," sagði Alexander-Arnold í viðtali fyrir stórleikinn.
„Það er mikilvægt fyrir okkur að safna stigum og gætu þrjú stig gegn United reynst ótrúlega dýrmæt."
Síðast þegar þessi lið mættust á Anfield unnu heimamenn í Liverpool 4-0 með Ralf Rangnick við stjórnvölinn hjá Man Utd. Á þeim tímapunkti var Liverpool búið að vinna deildabikarinn, á toppi úrvalsdeildarinnar og átti framundan úrslitaleik FA bikarsins við Chelsea. Nú er staðan talsvert öðruvísi innan herbúða Liverpool og ljóst að endurbyggingar er þörf.
„Það er ekki oft sem maður vinnur 4-0 gegn United en staðan er allt önnur í dag. Þeir eru að spila virkilega góðan fótbolta og þetta verður mjög erfiður leikur. Marcus Rashford er stórhættulegur leikmaður og við þurfum að hafa miklar gætur á honum. Það er erfitt að stöðva hann en við þurfum að gera okkar besta til að verjast honum sem liðsheild.
„Þeir eru með fleiri leikmenn heldur en bara Marcus. Hérna eru tvö lið að mætast og liðsheildin þarf að vera til staðar ef annað hvort liðið vill bera sigur úr býtum."
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 38 | 26 | 7 | 5 | 71 | 27 | +44 | 85 |
| 2 | Man City | 38 | 23 | 9 | 6 | 77 | 35 | +42 | 78 |
| 3 | Man Utd | 38 | 20 | 11 | 7 | 69 | 50 | +19 | 71 |
| 4 | Aston Villa | 38 | 19 | 8 | 11 | 56 | 49 | +7 | 65 |
| 5 | Liverpool | 38 | 17 | 9 | 12 | 63 | 53 | +10 | 60 |
| 6 | Bournemouth | 38 | 13 | 18 | 7 | 58 | 54 | +4 | 57 |
| 7 | Sunderland | 38 | 14 | 12 | 12 | 42 | 48 | -6 | 54 |
| 8 | Brighton | 38 | 14 | 11 | 13 | 52 | 46 | +6 | 53 |
| 9 | Brentford | 38 | 14 | 11 | 13 | 55 | 52 | +3 | 53 |
| 10 | Chelsea | 38 | 14 | 10 | 14 | 58 | 52 | +6 | 52 |
| 11 | Fulham | 38 | 15 | 7 | 16 | 47 | 51 | -4 | 52 |
| 12 | Newcastle | 38 | 14 | 7 | 17 | 53 | 55 | -2 | 49 |
| 13 | Everton | 38 | 13 | 10 | 15 | 47 | 50 | -3 | 49 |
| 14 | Leeds | 38 | 11 | 14 | 13 | 49 | 56 | -7 | 47 |
| 15 | Crystal Palace | 38 | 11 | 12 | 15 | 41 | 51 | -10 | 45 |
| 16 | Nott. Forest | 38 | 11 | 11 | 16 | 48 | 51 | -3 | 44 |
| 17 | Tottenham | 38 | 10 | 11 | 17 | 48 | 57 | -9 | 41 |
| 18 | West Ham | 38 | 10 | 9 | 19 | 46 | 65 | -19 | 39 |
| 19 | Burnley | 38 | 4 | 10 | 24 | 38 | 75 | -37 | 22 |
| 20 | Wolves | 38 | 3 | 11 | 24 | 27 | 68 | -41 | 20 |
