Danmörk: Jón Dagur lék í tapi gegn Nordsjælland

Jón Dagur Þorsteinsson var í byrjunarliði AGF í dag sem mætti Nordsjælland í dönsku úrvalsdeildinni. Nú er búið að tvískipta deildinni og var þetta fyrsti leikurinn í þeirri umferð.

Nordsjælland, sem skipar mjög ungu liði með frábærum árangri, vann 2-0 sigur. Jón Dagur spilaði fyrstu 80 mínúturnar í liði AGF í dag.

Fyrr í dag mættust Horsens og OB mættust í fall-umspilinu en þeim leik lauk með jafntefli þar sem Sveinn Aron Guðjohnsen átti stóran þátt í jöfnunarmarki OB sem kom í uppbótartímanum.

Aron Elís Þrándarson lék þar allan leikinn fyrir OB en Ágúst Eðvald Hlynsson var á bekknum hjá Horsens.

Lið Nordsjælland er einsdæmi í Evrópu. Eru með 8 stráka í byrjunarliði (14/18 í hop) sem eru fæddir 2000 eða síðar. Hinir þrír eru 97-98-99. Ótrúlegur árangur í erfiðustu deild Skandinavíu.

— saevar petursson (@saevarp) April 4, 2021