Ronaldo gerir sitt til að hjálpa en hann sendi flugvél fulla af vörum til þess svæðis sem kom verst út úr skjálftunum.

Ronaldo borgaði fyrir tjöld, matarpakka, kodda og teppi, barnamat, mjólk, læknavörur og margt fleira.

Það er vonandi að enn fleira íþróttafólk muni fylgja í fótspor Ronaldo með því að hjálpa fólki á þessu svæði. Ronaldo er mjög duglegur í hjálparstarfi en hann borgaði einu sinni 83 þúsund dollara fyrir heilaskurðaðgerð hjá barni og svo hjálpaði hann til við að fjármagna krabbameinsmiðstöð í heimalandi sínu, Portúgal.

Ronaldo spilar í dag með Al Nassr í Sádí-Arabíu og er launahæsti fótboltamaður í heimi.